S Papyrus 46 isch es umfangriichs Originaldokument i griechischer Sproch mit eme grössere Teil vo de Paulus-Brief vom Neue Teschtament. Siini Entschtehig wird ungefähr uf s Jahr 200 nach Chrischtus datiert. Glageret wird das Papyrus hüüt i de irische Hauptschtadt Dublin. Bemerkenswert dran isch, dass es sich ums ältischte überliiferete Dokument handled, wo d Uuferschtehig vom Jesus mehrmals erwähnt. Zum Biischpiel sind beidi Briefe an d Korinther sehr wiitgehend erhalte. Im erschte devo heissts in Nr. 15,20: "Nun aber ist Christus auferstanden von den Toten und...". Au z. B. im zweite Korinther isch si erwähnt. Die neuere Forschige ergebet en Datierig vo dem Papyrus mit ere "Vertrauensintervall-Wahrschiinlichkeit" vo 95 Prozent (B. Griffin) ums Jahr 200 nach. En einzelne Autor datiert s sogar ins erschte Jahrhundert nach Chrischtus.
© MMXXIII Rich X Search. We shall prevail. All rights reserved. Rich X Search